schön bisch hie
Ich bi d Isabelle (Isa) und bi dini Fotografin im Wallis ver Hochzite und Üszite mit dine liebschte zwei- oder vierbeinige Härzens-Wäse.
meh als nur fotos
“Fotos sind ver mich bliebendi Momäntüfnahme,
wa iisch ermeglichent, bsundrigi Äugeblicka immer
und immer wieder uf z Neua därfe z erläbe.”
Mit miner Arbeit als Fotografin darf ich teifi Emotione, Läbensfreid und puri Liideschaft erläbe und festhalte. Bi mier erwartet dich en unkomplizierte Strahlemänsch, wa schich gäre im Vorfäld Zit nimmt, dich und dini Winsch kennezlere. Ich ermegliche dier en chlini Üszit want durch ungstellti, authentischi Momäntüfnahme sollt chänne gniesse, wirsch Gspass hä und daderbi genau eso darfsch si, wient bisch.
Mis agebot - dini erinnrige
Dü hesch nu Frage oder bisch scho uberzigt? De mälddi diräkt uber z Kontaktformular.
Was dü dich velli frägsch
-
Dü chasch en Afrag ver es Shooting diräkt uber z Kontaktformular oder uber d soziale Medie (@mo.isaik) stelle.
-
Dü chasch per Twint oder Bar vor Ort zahle.
Spätestens bevor dassider der Link mit de bearbeitete Fotos schicke, müess gezahlt wärde.
-
Normalerwis kriegsch dü dini Bilder mitma Link zum sälbständige Download 1-2 Wuche nahm Shooting. Bi gressere Shootings wie Hochzite, Fäschti etc. isch mit 3-4 Wuche z rächne.
-
Die Prisa variierent je nach Shooting. En Ubersicht findusch hie.
-
En Ubersicht zune Shooting-Meglichkeite findesch iner Rubrik “Portfolio”. Wenn das wo dü süechsch nit derbi isch, chaschdi gäre jederzit uber z Kontaktformular bi mier mälde und dini Afrag stelle.
-
Uf jede Fall! Ich gibe dier gäre Tipps und hälfe dier biner Chleiderwahl. Aber wennt sälber Idee hesch, wärdi die - sofern natirli umsetzbar - gäre probiere üfznäh.
-
Da mini Shootings grundsätzlich vorna stattfindent, bsteiht natirli immer es Risiko, dass z Wätter nit güet isch und z Shooting müess verschobe wäre. Sowit wies meglich isch, wärdi bis 12 Stunde vor dem Shooting entscheide, ubs chat stattfinde.
-
Alli Fotos wonider uber de Link lah lah züecho darfsch dü gäre uf soziale Medien etc. veröffentliche. Es wäri natirli schön, wennt uf Instagram und Facebook mis offiziell Profil (@mo.isaik) würdisch markiere / verlinke.
